सूर्यको किरणबाट भिटामिन डी लिने सही समय कुन हो ?

हाम्रो शरीरलाई राम्ररी काम गर्न निकै धेरै भिटामिन र खनिजहरू चाहिन्छ । हाम्रो शरीरका लागि नभई नहुने भिटामिनमध्ये एक भिटामिन डी हो । यो भिटामिन प्राकृतिक रूपमा सूर्यको किरणबाट प्राप्त हुन्छ । तर जाडोमा हामीले टन्नै लुगा लगाएर बस्ने भएकोले शरीरले पर्याप्त भिटामिन डी पाउन सक्दैन र यसको कमी हुन्छ । भिटामिन डी हाम्रो शरीरको लागि आवश्यक पोषक तत्त्व हो । यसले हड्डीलाई बलियो बनाउन, प्रतिरक्षा प्रणालीलाई मजबुत पार्छ र क्याल्सियमको अवशोषणमा पनि मद्दत गर्छ ।

वैज्ञानिक अध्ययनका अनुसार बिहान १० बजेदेखि दिउँसो २ बजेसम्मको घाममा भिटामिन डीको उत्पादन सबैभन्दा बढी हुन्छ । यस समयमा, सूर्यको किरणहरू सिधा हुन्छन्, जसका कारण यूभीबी किरणहरूले छालामा बढी प्रभाव पार्छ ।

यस बाहेक पनि तपाईले आफ्ना खानमा भिटामिन डी युक्त यी खानेकुराहरू समावेश गर्न पनि सक्नु हुन्छ ।

–माछा (साल्मन, टुना)

–अण्डाको पहेंलो हिस्सा

–च्याउ

–डाक्टरको सल्लाहमा भिटामिन डी चक्की वा क्याप्सुलको सेवन पनि यसको एउटा विकल्प हुन सक्छ ।

सूर्यको किरण भिटामिन डी प्राप्त गर्ने सबैभन्दा प्राकृतिक र प्रभावकारी स्रोत हो । सही समयमा सूर्यको किरणको सम्पर्कले तपाईँको हड्डीलाई त बलियो बनाउँछ नै प्रतिरक्षा प्रणालीमा पनि सुधार गर्दछ । तपाईँलाई पनि आफूमा भिटामिन डीको कमीको लक्षणहरू महसुस गरिरहनु भएको छ भने तुरुन्तै डाक्टरसँग परामर्श लिनुहोस् अनि आफ्नो आहार र जीवनशैली सुधार गर्नुहोस् ।