बेलबारीमा पाचौ मेयर कप फुटबल प्रतियोगिता हुने

अनु निरौला , बेलबारी / मोरङको बेलबारीमा पाचौ मेयर कप फुटबल प्रतियोगिता २०७९ हुने भएको छ । बेलबारी नगरपालिकाको आयोजनामा बेलबारी नगरभरिका ११ वडा बिच प्रतियोगिता गर्न लागिएको हो । आयोजकका अनुसार यही चैत्र १ देखि ११ गतेसम्म प्रतियोगिता हुने छ ।

बेलबारी– ४ मा रहेको बेतना खेल मैदानमा हुने प्रतियोगिताको तयारी अन्तिम चरणमा पुगेको आयोजकले बताए । आयोजकका अनुसार प्रतियोगितामा प्रथम हुने टोलीलाई एक लाख १ हजार  र द्धितीय हुनेलाई ५१ हजार नगदसहित शिल्ड र मेडल प्रदान गरिने छ ।

उद्घघाटन खेल भने चैत्र १ गते बेलबारी–२ र बेलबारी–६ बीच हुनेछ । विधागत रूपमा खेलाडीहरुलाई पुरस्कार प्रदान गरिने आयोजकले बताएका छन ।