बेलबारी – ९ प्रथम टोल कपको उपाधी नलबारी टोललाई

बेलबारी । सोमबार प्रथम बेलबारी – ९ प्रथम टोल कपको उपाधी नलबारी टोलले जितेको छ । उपाधी संगै नलबारीले नगद ८ हजार , शिल्ड, मेडल र प्रमाणपत्र प्राप्त गरेको छ । फाइनल खेलमा १– ० गोल अन्तरले डि– टाउन (डांगीहाट) लाई पराजित गर्दै नलबारीले उपाधी हात पारेको हो ।

डांगीहाट जागृति युवा क्लब तथा डि– टाउन (डांगीहाट) को संयुक्त आयोजनामा भएको खेलमा आयोजक डि–टाउन उप– विजेता बन्नसफल भएको छ । डि– टाउनले नगद ५ हजार , शिल्ड, मेडल र प्रमाणपत्र प्राप्त गरेको छ  ।

खेलमा म्यान अफदी म्याच र बेस्ट मिडफिल्डरको उपाधी नलबारी टोलका दिपेस धिमालले  हात पारे । त्यसैगरी प्रतियोगितामा बेस्टफर्वाडको उपाधी नलबारीका एनस तामाङ र बेस्ट डिफ़ेन्सको उपाधी दुर्गा राईले हात पारे ।

त्यसैगरी डि–टाउनबाट बेस्ट गोलकिप्परको उपाधी अनिश चौधरी , राईजिङ स्टारको उपाधी सुमन कार्कीले हात पारे l वडा न.९ कोसहयोगमा भएको प्रतियोगिताको फाईनल खेलको सम्पूर्ण उपाधीको सौजन्य समाजसेवी अर्जुन कटवालले गरेका हुन भने उप–विजेताकोपुरस्कार सौजन्य सुनिल खवासले गरेका हुन।

कार्यक्रममा बेलबारी–९ का वडाध्यक्ष शालिग्राम बस्नेतको प्रमुख आतिथ्यता तथा बेलबारी नगर प्यावसनका अध्यक्ष भगवती प्रसादघिमिरेको बिशिष्ट आतिथ्यता रहेको थियो ।

फाल्गुण १९ बाट २२ सम्म भएको टोलकप स्थानीय खेलाडी उत्पादन तथा प्रोत्साहनका लागी आयोजना गरिएको कार्यक्रम सम्योजक पारस तामाङले बताएका छन ।