नलबारीमा सांस्कृतिक एवम् च्यारिटी कार्यक्रम भव्यताका साथ सम्पन्न

बेलबारी । मोरङको बेलबारी – ९ स्थित नलबारीमा सांस्कृतिक एवम् च्यारिटी कार्यक्रम भव्यताका साथ सम्पन्न भएको छ । आइतबार माघे संक्रान्तिको अवशरमा माघे संक्रान्ति सांस्कृतिक  एवम् च्यारिटी कार्यक्रम २०७९ गरिएको हो ।

बेलबारी –९ ,नलबारीमा भएको  उक्त कार्यक्रममा गायिका मेचु धिमाल , गायक डिल्ली फोम्बो एण्ड ब्याण्ड , गरिमा डान्स सेन्टर , ऊर्जाब्याण्ड , अल्पायु ब्याण्ड , बुद्धत्व ब्याण्डले प्रस्तुति दिएका थिए ।

बहुमुखी कृषि फार्म डाँगिहाटको मुख्य प्रयोजनमा भएको उक्त कार्यक्रममा बेलबारी ९ र ११ का वृद्ध–वृद्धा ,असहाय,विपन्न तथा पिछडावर्गलाई ५० थान न्यानो कपडा वितरण गरिएको कार्यक्रम संयोजक किरण गुरुङले बताएका छन ।

जागृति युवा क्लबको आयोजना तथा नमुना नलबारी युवा क्लबको सह–आयोजनामा भएको कार्यक्रममा बेलबारी नगर–प्रमुख दिल प्रसाद राई ,वडा न. ९ का वडाध्यक्ष सालिग्राम बस्नेत ,११ का वडाध्यक्ष बिक्रम राई लगायतको उपस्थिति रहेको थियो । कार्यक्रममा दुई हजार बढिको सहभागिता रहेको गुरुङले बताएका छन ।