चारघरे कंस्ट्रकसन एण्ड ईन्जिनियरिंगद्वारा ३०० थान कम्बल बितरण

बेलबारी । मोरङको बेलबारी नगरपालिका– ९ ,देविगंजमा तीन सय न्यानो कम्बल बितरण गरिएको छ । चारघरे कंस्ट्रकसन एण्डईन्जिनियरिंग प्रालिका संचालकले बेलबारी–९ का एकल महिला, विपन्न तथा जेष्ठ नागरिकलाई न्यानो कम्बल वितरण गरेका छन।

प्रालिका संचालकहरु गोपाल राई , प्रकाश राई ,प्रेम राई र असिम राई दाजुभाईले आफ्ना आमा मनकुमारी राई , बुवा रामबखत राईकोवैवाहिक स्वर्ण उत्सवको अवशर पारेर विपन्न परिवारलाई कम्बल वितरण गरेका हुन।भि.जी फाउण्डेसन काठमाण्डौको सहयोगमाभएको उक्त कार्यक्रममा बोल्दै आयोजक प्रकाश राईले बिगतका दिनहरुमा पनि प्रालीले सेवामुलक कार्यहरु गर्दै आएको बताए ।

कार्यक्रमलाई संबोधन गर्दै प्रमुख अतिथि रहेका बेलबारी नगरपालिकाका मेयर दिलप्रसाद राईले उदाहरणीय कार्य भएको बताए ।कार्यक्रममा वडा न. ९ का वडाध्यक्ष शालिग्राम बस्नेत, नेकपा एमाले बेलबारी नगर कमिटीका अध्यक्ष ईरान राई , बेलबारी साना सहरीतथा खानेपानी उपभोक्ता समितिका अध्यक्ष रुकमिणी धिमाल लगायतको उपस्थिति रहेको थियो ।