माघ -१ गते नलबारीमा सांस्कृतिक एवम् च्यारिटी कार्यक्रम हुने

मोरङको बेलबारी – ९ स्थित नलबारीमा सांस्कृतिक एवम् च्यारिटी कार्यक्रम हुने भएको छ । माघेसंक्रान्तिको अवसर पारेर यहि माघ – १ गते माघे संक्रान्ति सांस्कृतिक  एवम् च्यारिटी कार्यक्रम २०७९हुने भएको हो l

बेलबारी –९ ,नलबारीमा हुन लागेको उक्त कार्यक्रममा गायिका मेचु धिमाल , गायक डिल्ली फोम्बो एण्ड ब्याण्ड , गरिमा डान्स सेन्टर , ऊर्जा ब्याण्ड , अल्पायु ब्याण्ड , बुद्धत्व ब्याण्डको प्रस्तुति रहने कार्यक्रम संयोजक किरण गुरुङले बताएका छन ।

बहुमुखी कृषि फार्म डाँगिहाटको मुख्य प्रयोजनमा हुन लागेको उक्त कार्यक्रममा वृद्ध–वृद्धा ,असहाय,विपन्न तथा पिछडा वर्गलाई न्यानोकपडा वितरण गर्ने गुरुङले जानकारी दिएका छन । जागृति युवा क्लबदको आयोजना तथा नमुना नलबारी युवा क्लबको सह–आयोजनामा हुन लागेको कार्यक्रम दिउसो ३ बजेदेखी सुरु हुने आयोजकले बताएको छ ।