मोरङ -३ मा सुनिल शर्माको शानदार जीत ,रेखा थापा चर्चामा मात्र सिमित

बेलबारी / मोरङको क्षेत्र नम्बर ३ प्रतिनिधिसभा सदस्यमा नेपाली काँग्रेसका उम्मेदवार डा.सुनिल शर्मा अत्याधिक मतका साथ विजयी भएका छन् ।
मुख्य प्रतिस्पर्धी रहेका नेपाल कम्युनिष्ट पार्टी (एमाले) का उम्मेदवार भानुभक्त ढकाललाई फराकिलो मतान्तरले पराजित गर्दै शर्मा विजयी भएका हुन । ढकाललाई शर्माले २२ हजार ७ सय ३६ मतको अन्तरले पराजित गरेका हुन । शर्माले ४८ हजार ६ सय ३१ मत प्राप्त गरेका छन भने ढकालले चुनाव २५ हजार ८ सय ९५ मत प्राप्त गरेको मोरङ क्षेत्र नंम्बर ३ निर्वाचन अधिकृतको कार्यालयले जनाएको छ ।
निकै चर्चामा रहेका राष्ट्रिय प्रजातन्त्र पार्टीका रेखा थापाले भने १० हजार ९ सय ९८ मत प्राप्त गरेकी छिन । थापा शर्मा भन्दा ३४ हजार ६ सय ३३ मतान्तरले पछि भइन । १ लाख ४९ हजार ८३३ मतदाता संख्यामा प्रतिनिधिसभा सदस्यको लागि ९८ हजार १२६ मत खसेको थियो । ९२ हजार २०२ मत सदर भयो भने ४ हजार ९ सय २४ मत बदर भएको छ ।