विराटनगरमा मोटरसाइकल दुर्घटनामा एकजनाको मृत्यु

२३ कार्तिक / विराटनगरमा मोटरसाइकल दुर्घटना हुँदा एकजनाको मृत्यु भएका छन् ।

मंगलबार बेलुका कोसी राजमार्गअन्तर्गत विराटनगर वडा नम्बर ३ र ४ को सीमामा रहेको ढाटमा दुर्घटना भएको हो ।उत्तरबाट दक्षिणतर्फ आउँदै गरेको प्रदेश १–०२–०४२ प १९२७ र को ७ प ८२०७ नम्बरको मोटरसाइकल एकआपसमा ठोक्किएको प्रहरीले जनाएको छ ।

ठोक्किएपछि अनियन्त्रित भएको मोटरसाइकल बा ५ च २७५१ नम्बरको कारमा ठोक्किएको र दुर्घटनामा परी प्रदेश १–०२–०४२ प १९२७ नम्बरको मोटरसाइकलका चालक सुनसरी दुहवी नगरपालिका–१० बस्ने ३५ वर्षीय रिकेशराज ढकालको मृत्यु भएको जिल्ला प्रहरी कार्यालय मोरङले जनाएको छ ।

ढकालको उपचारको क्रममा विराट शिक्षण अस्पतालमा बुधबार बिहान मृत्यु भएको हो । मोटरसाइकलमा सवार विराटनगर–३ का २५ वर्षीय नारायण बिहानी र अर्को मोटरसाइकलका यात्री विराटनगर–४ की ४५ वर्षीया फुलोदेव गडेरी घाइते भएका छन् । उनीहरूको विराट शिक्षण अस्पतालमा उपचार भइरहेको छ प्रहरीले जानकारीदिएको छ । फुलोदेवीको अवस्था गम्भीर भएको जनाइएको छ ।