राजनीतिमा युवाको हस्तक्षेप जरुरी छ: किसन भुजेल(विषम)

तनहु। पछिल्लो समय राजनीतिमा युवा पुस्ताको सहभागिता बढ्दो छ। कुनै पनि राजनीतिक दल भित्र होस् वा स्वतन्त्र रुपमा नै किन नहोस् आगामी मंसिर ४ गते हुने निर्वाचनमा पनि उम्मेदवारी दिने युवाको संख्या उल्लेख्य छ,  यसले पनि राजनीतिमा युवाको आकर्षण कतिबढेको छ भन्ने कुरालाई प्रष्ट्याउछ । यहि भिडमा किसन भुजेलले पनि आफुलाई तनहु क्षेत्र न १ ख प्रदेश सभा सदस्य उम्मेदवारकोरुपमा उभ्याएका छन्। जनता समाजवादी पार्टीबाट प्रत्यक्ष तर्फका उम्मेदवार भुजेल पेशाले शिक्षक हुन् ।

देशमा जनताले खोजेको परिवर्तन युवा बाट मात्र सम्भव छ भन्ने उनको बुझाई छ । भुजेल भन्छन्-“उत्पीडित जाती,समुदाय, भुगोल , अल्पसंख्यक सिमान्तकृत , आदिवासि जनजातीका हाम्रा मुद्धा बोकेका छौं भन्नेहरुको अनुहार र व्यवहार देखि हामी सबै जानकार छौं ।

कहिलेकाहीँ हामी आफ्नो चाहना र महत्वाकांक्षा भन्दा पर रहेर बाध्यता बोक्न बाध्य हुन्छौं यस्तै बाध्यता को एउटा जायज बाध्यता मेरोउम्मेदवारी हो ।“

भुजेल जसपा निकट समाजवादी विद्यार्थी युनियन गण्डकी प्रदेश समितिका अध्यक्ष समेत हुन् ।