बेलबारी प्रज्ञा–प्रतिष्ठानले गर्यो शुभकामना आदान-प्रदान कार्यक्रम सम्पन्न

बेलबारी ,५ कार्तिक । बेलबारी प्रज्ञा–प्रतिष्ठानले तिहार, न्हु दया, छठ र उँधौलीको अवसरमा शुभकामना आदान – प्रदान कार्यक्रम सम्पन्न गरेको छ । प्रतिष्ठानका प्रमुख संरक्षकसमेत रहेका बेलबारी नगरपालिकाका प्रमुख दिलप्रसाद राईले बेलबारीका भाषा, साहित्य, कला, सङ्गीत तथा नाट्य क्षेत्रलाई अझै अध्ययन–अनुसन्धान गरी उत्खनन् गर्दै संरक्षण र विकास गर्नुपर्ने बताएका छन ।

कार्यक्रममा गजलकार जेबी थुलुङले गजल वाचन गरेका थिए भने विवेश मोते , लक्ष्मी पौडेल र मौसम नेपालीले  गायन प्रस्तुत गरेका थिए ।

उक्त कार्यक्रमा साहित्यकार, नाट्यकार, गीतकार, लेखक, प्राज्ञहरूको बाक्लो उपस्थिति रहेको थियो । कार्यक्रममा प्रतिष्ठान समितिका उपाध्यक्ष मनकुमार गुरुङले स्वागत मन्तव्य राखेका थिए भने उपाध्यक्ष अजित कुमार धिमालले धन्यवाद ज्ञापन गरेका थिए । कार्यक्रम प्रतिष्ठान समितिकी अध्यक्ष रेखा सुवेदीको अध्यक्षता सम्पन्न भएको थियो भने सचिव कुलप्रसाद बरालले कार्यक्रम सञ्चालन गरेका थिए ।