तरुण गोल्डकपको फाइनल खेल असोज ८ गते हुने

मोरङको भाउन्नेमा जारी प्रथम तरुण गोल्डकपको फाइनल खेल असोज ८ गते शनिबार हुने भएको छ । असोज ५ गते हुने भनिएको फाइनल खेल केही प्राबिधिक कारणबस असोज ८ गते हुने भएको आयोजकले बताएको छ ।

पहिलो सेमि-फाइनल खेलमा बेलबारी-११ लाई हराउदै बेलबारी-८ फाइनलमा पुगेको थियो । दोश्रो सेमि-फाइनलमा भने पथरीशनिश्चरे – ८ लाई हराउदै बेलबारी -२ फाइनलमा पुगेको हो ।

असोज ८ गते शनिबार दिनको ठिक २ बजे बेलबारी – २ र बेलबारी – ८ बिच फाइनल खेल हुने भएको छ । प्रतियोगिताका विजेताले नगद रु २ लाख १ हजार सहित ट्रफी र मेडल तथा उपविजेताले नगद १ लाख १ हजार सहित ट्रफी र मेडल प्राप्त गर्नेछन् ।नेपाल तरुण दल मोरङ क्षेत्र नं ३ को आयोजनामा भएको प्रतियोगितामा मोरङ क्षेत्र नं ३ का २६ वटा वडाले सहभागिता जनाएका छन् ।