किरात राई पत्रकार संघ उपत्यका समन्वय समितिको अध्यक्षमा श्याम राई

किरात राई पत्रकार संघ उपत्यका समन्वय समितिको अध्यक्षमा श्याम राई सर्वसहमत निर्वाचित भएका छन् ।

काठमाडौंमा शुक्रबार संघको पाँचौ अधिवेशनले उपाध्यक्षमा मकल बान्तवा राई, महिला उपाध्यक्षमा बबिता राई, सचिवमा धनबल राई, सह–सचिवमा तेज राई र कोषाध्यक्षमा सुजता राई ‘जेनी’ चयन भएका छन् ।

त्यस्तै, सदस्यहरुमा कृष्टिना राई र अन्य दुई जना पछि मनोनित गर्ने गरी ९ जनाको कार्यसमिति सर्वसहमत चयन गरिएको हो । निर्वतमान अध्यक्ष प्रकाश चाम्लिङ राईको सभापतित्वमा भएको कार्यक्रम झिल खिम्बुले राईले सञ्चालन गरेका थिए ।

कार्यक्रमका प्रमुख अतिथी किरात राई पत्रकार संघको पाँचौ केन्द्रीय अधिवेशन समितिका संयोजक अवतार राई, विशेष अतिथीमा संघको संस्थापक अध्यक्ष गणेश राई, पूर्व सचिव सन्दिप राई, पाँचौ केन्द्रीय अधिवेशन आयोजक समितिका सदस्य सचिव कृष्णजीत राई लगायतले शुभकामना दिएका थिए । त्यस्तै उपत्यका समन्वय समितिले कार्यक्रममा संघका संस्थापक अध्यक्ष तथा वरिष्ठ पत्रकार गणेश राईलाई सम्मान गरेको छ ।