न्यु जनएकता साकोसले गर्यो तीज विशेष कार्यक्रम

बेलबारी । मोरङको बेलबारी स्थित लक्ष्मीमार्गमा रहेको न्यू जनएकता बचत तथा ऋण सहकारी संस्था लिमिटेडले तिज बिशेष कार्यक्रमसम्पन्न गरेको छ ।

नजिकिदै गरेको हरितालिका तिजको अवसर पारेर बेलबारी ९ स्थित डाँगीहाट बजारमा विहिबार सदस्य विस्तार तथा तिज बिशेष कार्यक्रम गरिएको थियो । उक्त कार्यक्रममा बिभिन्न बिद्यालयका मौलिक नृत्य समेत प्रस्तुत गरिएको थियो ।

कार्यक्रममा संस्थाकी सहसचिब तथा तिज बिशेष कार्यक्रमकी संयोजक कल्पना बिमली क्षेत्रीको सभापतित्व रहेको थियो । प्रमुखअतिथि रहेकी सहकारी संघ मोरङकी उपाध्यक्ष पार्बती बरालले न्यु जनएकता साकोस बेलबारीको उत्कृष्ट सहकारीको रुपमा परिचित रहेको बताइन ।

बिशिष्ट आतिथिमा रहेका बेलबारी ९ का अध्यक्ष शालिकराम बस्नेतले सहकारीको विकासले आम मानिसको जिवनयापनमा आमुल परिवर्तन गरिदिएको बताएका छन ।यस्तै उक्त संस्थाका अध्यक्ष जगतबहादुर बस्नेतले कार्यक्रमले महिलाहरूको नेतृत्व विकास संगै समुदायमा सहकारीबारे थप जनचेतना फैलाएको बताएका छन ।

विभिन्न संघ–संस्थाका प्रतिनिधिहरुको बाक्लो उपस्थिति रहेको उक्त कार्यक्रमको संचालन रिता कोईरालाले गरेकी थिइन ।