काठमाडौंमा अझै सुरु हुन सकेन मतगणना

काठमाडौं । शनिबार विहान ८ बजे सुरु गर्ने भनिएको काठमाडौं महानगरपालिकाको मतगणना अझै सुरु हुन सकेको छैन । मतगणनास्थलमा बस्ने दलका प्रतिनिधिको परिचयपत्र बनाउन ढिलाइ भएका कारण मतगणना सुरु हुन नसकेको हो ।

मतगणनास्थलमा प्रमुख पार्टीका ६ जनासम्म प्रतिनिधि बस्न दिने निर्णय गरेको छ । सान दल र स्वतन्त्र उम्मेदवारले पनि प्रमुख दलकै जति प्रतिनिधि पाउनुपर्ने भन्दै विरोध जनाएका छन् ।मुख्य निर्वाचन अधिकृतको कार्यालयले भने छिट्टै मतगणना सुरु गर्ने बताएको छ ।