मैले गफ हैन काम गरेको छु :सालिग्राम बस्नेत

बेलबारी ,२४ वैशाख /सामाजिक सेवामा लागिरहदा मैले जनताको इच्छा , आकांक्षा , भावना बुजेको छु , बेलबारी ९ नेपाली कांग्रेसका उम्मेदवार सालिग्राम बस्नेतले कुराकानीको सुरुवातमै भने ….सामाजिक कार्यमा सधै अग्रसर रहेका बस्नेतले बेलबारी ९ का प्रत्येक घर पुगेर जनताको सुख:दुखमा साथ दिदै आएको वडावासीले बताएका छन ।पहिलोउडान डटकमले बस्नेत संग गरेको कुराकानी ……

१.घरदैलो कार्यक्रममा जनताको प्रतिक्रिया कस्तो रहयो ?

मलाई जनताको साथ छ । सबैले हौशला र अशिर्वाद दिनुभएको छ ।बिगतमा जनप्रतिनिधिले गरेका गल्तीलाई सच्याउन सुझाव दिनुभएको छ ।

२.धेरै दलका उम्मेदवारहरुको बिचमा जनताले सालिग्राम बस्नेतलाई नै किन मत दिने ?

जनतासंग जोडिएर काम गर्ने क्रममा मैले जनताका समस्याहरु नजिकबाट बुजेको छु । बिजयी भएका दलले सम्बोधन गर्न नसकेको जनताको गुनासाहरुलाई समाधान गर्नेछु । जनताको विश्वास गफले हैन काम गरेर जितेको छु । सालिग्राम बस्नेतको उम्मेदवारी जनताको चाहना पनि हो ।

३.मुख्य प्रतिबद्धता तथा योजना के के छन ?

स्वास्थ्य चौकी सुधार कृषि क्षेत्रमा रहेको मल,बिऊको समस्यालाई प्रमुख प्राथमिकतामा राखेर काम गर्ने छु  , सामुदायिक विध्यालयहरूको स्तरोन्नतीमा जोड दिनेछु , वडा न.९ लाई भ्रष्टचार रहित बनाउने छु ।

४.अन्त्यमा के भन्न चाहानुहुन्छ ?

म नेपाली कांग्रेसको तर्फबाट उम्मेद्वार हु , नेपाली कांग्रेस पार्टिमा आस्था राख्छु तर सबै राजनीतिक दल, सबै क्षेत्रका व्यक्तित्वहरु, सबै वडाबासीको साझा व्यक्ति बनेर काम गर्नेछु । बेलबारी वडा नं ९ का सबै मतदाताहरुलाई आफ्नो अमुल्य मत रूख चिन्हमा दिएर सर्वाधिक मतले बिजयी गराउनुहुन हार्दिक अनुरोध गर्दछु ।