बेलबारीका स्वतन्त्र उम्मेदवारको चुनाव चिन्ह ?

१७ वैशाख,बेलबारी /मोरङको बेलबारी नगरपालिकामा उपमेयरमा स्वतन्त्र उम्मेदवारी दिएकी रुक्मिणी धिमालले ‘पुतली’चुनाव चिन्ह पाएकी छिन । शनिबार उनले सो चुनाव चिन्ह पाएकी हुन ।गत निर्बाचनमा उपमेयरमा पराजित भएकी धिमाल यसपटक पनि सोही पदमा उम्मेदवार बन्ने तयारी गरिरहेकी थिइन । नेपाली कांग्रेस पार्टीले टिकट नदिएपछि उनले स्वतन्त्र उम्मेदवारका रुपमा चुनाव लडने भएकी छिन ।

त्यस्तै नेपाली काँग्रेसबाट बेलबारी ८ को वडाध्यक्षमा टिकट नपाएपछि सोही पदमा स्वतन्त्र उम्मेदवारी दिएका धनपति गौतमले भने‘हाँस’चुनाव चिन्ह पाएका छन ।शनिबार उनले पनि सो चुनाव चिन्ह पाएका हुन । गत निर्वाचनमा बेलबारी ८ को वडाध्यक्षमा निर्वाचित उनलाई पार्टीले सोही पदमा टिकट नदिएपछि स्वतन्त्र उम्मेदवारका रुपमा चुनाव लडने भएका हुन।

एता नेकपा माओवादी केन्द्रबाट बेलबारी ९ को वडाध्यक्षमा टिकट नपाएपछि सोही पदमा तीर्थ बहादुर ढकालले स्वतन्त्र उम्मेदवारीदिएका छन । ढकालले शनिबार ‘धारा‘ चुनाव चिन्ह पाएका हुन ।