बेलबारी एमाले मेयरमा डि.पी राई र उपमेयरमा तिल कुमारी न्यौपानेको टुङ्गो

बेलबारी नगरपालिकामा नेकपा एमालेले मेयरको उम्मेदवारमा डि.पी राईको टुङ्गो लगाएको छ भने उपमेयरमा तिल कुमारी न्यौपाने (गौतम) को टुङ्गो लागेको हो ।
नेकपा एमाले जिल्ला कमिटी मोरङको अनुसार बेलबारी नगरपालिका कमिटीले मेयरमा ७ जना र उपमेयरमा ६ जनाको नाम सिफारिस गरेको थियो ।

सर्वसम्मत नभएपछि मेयरमा बेलबारी कमिटीले नेकपा एमाले जिल्ला कमिटी मोरङलाई डि.पी राई, ज्ञानेन्द्र सुवेदी, राजकुमार बस्नेत, प्रताप थापा, प्रकाश राई, ईरान राई र रविन थापाको नाम सिफारिस गरेको थियो । जसमध्य डि.पी राईलाई पार्टीले टिकट प्रदान गरेको छ ।

उपमेयरको लागि पनि तिलकुमारी न्यौपाने, गङ्गा
श्रेष्ठ, सिता तामाङ, गीता सिवा, अरकुमारी घिमिरे र उषा राईको नाम सिफारिसमा परेको थियो । उक्त ६ जना मध्य तिलकुमारी न्यौपानेले टिकट पाएकी छिन।

यस अघिको स्थानीय निर्वाचनमा पनि डि.पी राईको नाम मेयरको लागि चर्चामा रहेपनि टिकट भने ज्ञानेन्द्र सुवेदीले पाएका थिए । निकै लामो समयको छलफल पश्चात् एमालेले बेलबारी नगरपालिकाको मेयर र उपमेयरको उम्मेदवार टुङ्गो लगाएको हो ।

यता, बेलबारीमा मओवादी केन्द्र र काँग्रेसको प्रमुख र उपप्रमुखमा भने वार्ता हुन नसक्दा एक्लै चुनवा लड्ने तयारी भैरहेको विशेष श्रोतले जनाएको छ ।