मोस्ट वान्टेड भगौडाहरूको सूचीमा रहेकी पूर्व व्यवसायी झोउ जिङ्ह्वालाई थाइल्यान्डबाट चीनमा सुपुर्दगी

बेइजिङ । चीनको १०० जना मोस्ट वान्टेड भगौडाहरूको सूचीमा रहेकी पूर्व व्यवसायी झोउ जिङ्ह्वालाई थाइल्यान्डबाट चीनमा सुपुर्दगी गरिएको छ। यो कार्य दुवै देशका कानून प्रवर्तन र न्यायिक अधिकारीहरूको संयुक्त प्रयासबाट सम्भव भएको चीनको शीर्ष भ्रष्टाचार विरोधी निकायले बिहीबार जनाएको छ।

राष्ट्रिय पर्यवेक्षण आयोगका अनुसार, झोउ उक्त सूचीबाट फिर्ता ल्याइएकी ६३औँ व्यक्ति हुन् । आयोगले यो मुद्दाले जनताको हितको रक्षा गर्न र कानुनको गरिमा कायम राख्न चीनको दृढ संकल्प र प्रयासहरू देखाएको पनि बताएको छ।

आयोगका अनुसार, ५५ वर्षीया झोउ, जो युनान प्रान्तको एक लगानी कम्पनीमा उप-महाप्रबन्धकको रूपमा कार्यरत थिइन्, भ्रष्टाचारको आरोपमा संदिग्ध छिन्। इन्टरपोलले सन् २०१२ सेप्टेम्बरमा उनको विरुद्धमा रेड नोटिस जारी गरेको थियो। उनी १० वर्षभन्दा बढी समयदेखि थाइल्यान्डमा भागेर बसेकी थिइन्।बेइजिङ नर्मल युनिभर्सिटीका कानुनका प्राध्यापक झाङ लेईले अन्य एसियाली राष्ट्रहरूमा भागेका सूचीमा रहेका सबै भगौडाहरूको फिर्तीले भ्रष्टाचारविरुद्धको लडाइँमा चीनको दृढ संकल्प मात्र नभई यसको प्रयासले परिणाम दिएको पनि देखाउने बताए।