डिजिटल कारोबारलाई निःशुल्क

काठमाण्डौ। प्रधानमन्त्री केपी शर्मा ओलीले साना डिजिटल कारोबारलाई निःशुल्क बनाउने बताएका छन् । प्रधानमन्त्री ओलीले आफ्नो आधिकारिक फेसबुक अकाउन्टमार्फत यस्तो घोषणा गरेका हुन् ।

उनले एक पोष्ट जारी गर्दै साना डिजिटल कारोबारलाई निःशुल्क गर्ने विषयमा सम्बन्धित अधिकारीसँग छलफल गरिरहेको समेत बताएका छन् । फेसबुकको इन्बक्समा मोबाइल बैंकिङ ट्रान्सफर गर्दा लाग्ने गरेको अतिरिक्त चार्जबारे आइरहेका सुझावहरुलाई सम्बोधन गर्न यस्ता कारोबारलाई निःशुल्क बनाउन अग्रसर भएको प्रधानमन्त्रीले बताएका छन् ।