पेरिस पारा ओलम्पिकमा तेक्वान्दोकी पलेशा गोवर्धनले जितिन् कांस्य पदक
महिला ५७ केजी तौल समूहमा पदक जितेकी हुन्

ओलम्पिक खेल एक अन्तराष्ट्रिय खेल महासंग्राम हो। यो हरेक ४ वर्षमा एक पटक विश्वको कुनै एक देशमा हुने गर्छ।पेरिसस्थित ग्रान्ड प्यालेसमा कांस्य पदक जितेपछि पारा तेक्वान्दो खेलाडी पलेशा यसको हकदार बनेकी छन् । पलेशाले सर्बियाकी मरिजा मिचेभविरुद्ध १५–८ स्कोरको नतिजा निकाल्दै कांस्य जितिन् ।
नेपाली खेलकुदको ६ दशक लामो इतिहासमा कुनै पनि खेलाडीले ओलिम्पिकमा पदक जित्न सकेका थिएनन्। उनी दुईवटा विश्व पारा-तेक्वान्दो च्याम्पियनशिप र तीनवटा एशियन पारा-तेक्वान्दो च्याम्पियनशिपमा प्रतिस्पर्धा गरिसकेकी अनुभवी खेलाडी हुन्। सन् १९६४ मा जापानको टोकियोबाट ओलम्पिक यात्राको सुरुवात गरेको नेपालले झन्डै ६० वर्षपछि पहिलो पटक पदक हात पारेको हो।