केराबारीमा पुन: बाजी मार्ने कांग्रेसको दाबी ;

केराबारी,वैशाख १७ / मोरङको केराबारी गाउॅंपालिकामा नेपाली कांग्रेसले पुन बाजी मार्ने दाबी गरेको छ । नेपाली कांग्रेस केराबारीको अध्यक्षमा दोश्रो पटक रोहित कार्कीको उम्मेदवारी दोहोरिएको छ । उपाध्यक्षमा भने सुभद्रा राईको उम्मेदवारी मनोनयन दर्ता भएको छ ।

२०७४ को निर्वाचनमा २५० मतान्तरले कार्की बिजयी भएका थिए । यो पटक पनि तीब्र रूपले चुनावी दौडमा उत्रिएको कार्कीले बताएका छन । नेकपा एमालेबाट गाउॅंपालिका अध्यक्षमा सुमन मिरिचिङ मगर र उपाध्यक्षमा मनमाया मगरको उम्मेदवारी मनोनयन दर्ता भएको छ । नेकपा माओवादी केन्द्रबाट अध्यक्षमा तिलक थापामगर र उपाध्यक्षमा इन्दिरा दाहालको उम्मेदवारी मनोनयन दर्ता भएको छ ।