‘तीतो सत्य’बाट चर्चित राज र अभिनेत्री सुनिशाले आगामी साता बिहे गर्दै

तीतो सत्य’ टेलिसिरियलबाट चर्चित भएका कलाकार राज आचार्य र ‘इन्टुमिन्टु लन्डनमा’ फिल्मकी नायिका सुनिशा बजगाईं बीच आगामी साता विवाह हुने भएको छ ।

असार ७ गते उनीहरु बीच विवाह हुन लागेको अभिनेता तथा निर्देशक समेत रहेका राजका बुवा शंकर आचार्यले

जानकारी दिए । यी दुईले प्रि-वेडिङ फोटोसुट पनि गराइसकेका छन् ।

विदेशमा चार्टर्ड अकाउन्टेन्टको पढाइ सकेर राज यतिबेला नेपालमै छन् । सुनिशा भने ‘इन्टुमिन्टु लण्डनमा’पछि म्युजिक भिडियो र केही फिल्ममा व्यस्त छिन् ।

उनीहरु केही समयदेखि प्र्र्रेममा रहेको जनाइएको छ । राजका बुवा तथा अभिनेता शंकरले छोराको बिहेको खबरलाई पुष्टि गरे । दीपकराज गिरी र दीपाश्री निरौलाको समेत मुख्य भूमिका रहेको सिरिज तीतो सत्यमा राजले बाल कलाकारको भूमिका निर्वाह गरेका थिए ।