नेप्सेमा दोहोरो अंकको उछाल आएको छ दल

काठमाण्डौ । साताको चौथो कारोबार दिन आज नेपाल स्टक एक्सचेञ्च (नेप्से) मा दोहोरो अंकको उछाल आएको छ । आज नेप्से परिसूचक १.९९ प्रतिशत अर्थात ४९.१८ अंकले बढेर २ हजार ५१९.५७ विन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि १.७८ प्रतिशतले बढेर ४५२.८० विन्दुमा पुगेको छ । यो दिन नेप्सेमा सूचीकृत मध्ये ३२७ वटा स्क्रिप्टको १ करोड २४ लाख ९८ हजार ९८९ कित्ता सेयर ४ अर्ब ८१ करोड ३२ लाख रुपैयाँभन्दा बढीको कारोबार भएको  छ ।