दरबारमार्गमा सवारीसाधन आवागमनमा रोक

असोज ३ मा संविधान दिवसको दिन सैनिक मञ्चमा मूल समारोह आयोजना हुँदै छ । सोही दिन साँझ नारायणहिटी दरबारअगाडिको दरबारमार्गमा सांगितिक कार्यक्रम आयोजना हुनेछ ।त्यसका लागि स्टेज बनाउने काम भइरहेकाले सवारी आवागमनमा रोक लगाइएको हो ।

२०७२ असोज ३ मा नेपालको संविधान जारी भएको थियो । सोही दिनको सम्झनामा सरकारले हरेक वर्षको ३ असोजमा संविधान दिवस मनाउँदै आएको छ । यस वर्ष पनि सरकारले आजदेखि तीन दिनसम्म यो दिवस मनाउन लागेको छ ।