मोरङका सबै मतगणनास्थलमा सिसी क्यामेरा

बैशाख २९, मोरङ ।स्थानीय तह निर्वाचनको मतगणनास्थलमा सिसी क्यामेरा जडान गरिएको छ । मोरङका १७ वटै पालिकाको मतगणना स्थलमा सिसी क्यामेरा जडान भएको हो ।
मोरङका प्रमुख जिल्ला अधिकारी काशीराज दाहालले सबै पालिकाको मतगणनास्थलमा सिसी क्यामेरा जडान भएको बताए ।
उनले मतगणनास्थल तारजालीले घेरेर सुरक्षित बनाइएको जानकारी दिए । ‘सिसी क्यामेरा केन्द्रबाट मनिटरिङ हुनेगरी जडान गरिएको छ,’ उनले भने,‘ मतगणनाको सबै तयारी पूरा भइसकेको छ ।’ उनका अनुसार शुक्रबार हुने मतदानका लागि मतदान केन्द्र निर्माणको काम पनि पूरा भएको छ ।