इलामको सुर्योदयमा जसपा नेपालको निर्वाचन तयारी ।

इलामको सुर्योदय नगरपालिकामा जसपा नेपालले स्थानीय निर्वाचनको प्रचारप्रसार तिव्र पारेको छ । उम्मेदवार मनोनयनको अन्तिम समयसम्म गठबन्धनको प्रयास गरिएपनि गठबन्धन हुन नसकेपछि दलहरु एक्ला एक्लै चुनावी मैदानमा उत्रिएका छन् । २०७४ सालको निर्वाचनमा सुर्योदय नगरपालिकामा चौथो स्थानमा रहेको जसपा यो पटक माथि उक्लिने दाउमा छ । जसपाले यो पटक प्रमुखमा मित्रलाल भट्टराई र उप प्रमुखमा जुनु लिम्बु (सृष्टि)लाई मैदानमा उतारेको छ । उप प्रमुखकि उम्मेद्वार देशभरमै कान्छो उम्मेद्वार पनि हुन् । त्यसैगरी जसपाले सुर्योदय नगरपालिकामा झिनो मतान्तरले पराजित २ वटा वडामा समेत उम्मेदवारी दिएको छ ।वडा नं ९ मा अध्यक्ष पदको लागि सोनाम योल्मोले उमेदवारी दिएका छन्, सदस्यहरु प्रेमचन्द्र काजी लेप्चा, मोहनसिंह राई र मिना शिवा ले उमेदवारी दर्ता गराएका छन् । त्यस्तै वडा न.१ का उम्मेदवारहरु दिल कुमार लिम्बू र ओमा राई रहेका छन् ।
वडा नम्बर ३ का वडा अध्यक्ष उम्मेदवार छिन्जुला योल्मो र सदस्यहरु दिल राई, दिनमाया योल्मो ,रोशन तामाङ रहेका छन् । झिनो मतान्तरले दोस्रो बनेको यी वडाहरुमा यो पटक जित्ने प्रयासमा छ जसपा ।